Мёдадаі - кветкі важныя для пчол

А вы ведаеце якія кветкі для бортнікаў важныя?

Канешне ўсе, з якіх пчолы бяруць нектар і пылок.

Бортнікі разам з пчоламі ў гэты час, як закрасавала ліпа, цешацца тымі краскамі, якія пажыву даюць працаўніцам лясоў, балот і лугоў.

Я сабраў некалькі дзясяткаў кветак-мёдадайных, якія сустракаю ў сваіх бортных уваходах.

І заўсёды прыгадваю тое, што бортнікі кажуць: "Пчала са ўсіх цвяткоў бярэ мёд - толькі з канюшыны ня носіць". Але ж дадаю, што існуе яшчэ адна кветка, якая нектар дае - а пчолы яго не бяруць. Адгадаеце? Чакаю вашых адказаў - праз некалькі дзён напішу пра тую кветку.

І канешне бортнікі расказваюць пра тры кветкі: кожна з іх мае свой нораў - гэта багульнік, крушына і верас. Багульнік чысціць, крушына вясной дае мёд, а верас - восенню.