Ад бортнікаў можна пачуць самыя розныя легенды пра паходжанне пчалы. Адны кажуць - што пчолы нараджаюцца за морам у скалах, а потым прылятаюць у нашы лясы. Другія кажуць, што пчолы нарадзіліся з галавы льва, у той час як з ноздраў мядзведзя выляцелі чмялі. Трэція распавядаюць, што спачатку чорт стварыў пчол, а потым Бог ўдыхнуў у адну пчалу сваю сілу і яна стала пчалінай маткай і ўсе пчолы ад чорта пераляцелі Богу.

Але ж хаціце верце, хаціце - не, але пчолы і сёння для бортнікаў роўныя чалавеку: на іх няможна крыўдзіцца, на іх кажуць "памерлі пчолы" а не здохлі, калі яны памерлі - то іх трэба пахаваць у зямлі, як і чалавека.

Лічыцца, што ў палескіх лясах віруюць пчолы лясныя, бароўкі, якія вызначаюца сваёй працавітасцю і лютасцю. Але бортнік знайшоў да іх падыход - ён яе не эксплуатуе, а жыве разам, даглядае і ахоўвае яе ад шкоднікаў.